नवी दिल्ली : भारताचे पंतप्रधान नरेंद्र मोदी दोन दिवसांच्या कुवैत दौ-यावर आहेत. चार दशकांतील भारतीय पंतप्रधानांची ही पहिली कुवैत भेट आहे. या दरम्यान कुवैतचे अमीर शेख मेशल अल-जाबेर अल सबा यांच्याकडून नरेंद्र मोदी यांना रविवार, दि. २२ डिसेंबर २०२४ रोजी द ऑर्डर ऑफ मुबारक द ग्रेट हा सर्वोच्च नागरी पुरस्काराने सन्मानित करण्यात आले.
कुवैतमध्ये भारताचे पंतप्रधान नरेंद्र मोदी यांना गार्ड ऑफ ऑनर देत भव्य स्वागत करण्यात आले. कुवैतमधील बायन पॅलेसमध्ये पंतप्रधान नरेंद्र मोदी यांना औपचारिक गार्ड ऑफ ऑनर देण्यात आला. यावेळी कुवैतचे अमीर शेख मेशल अल-अहमद अल-जाबेर अल सबाही उपस्थित होते. त्यांनी पंतप्रधान नरेंद्र मोदी यांना द ऑर्डर ऑफ मुबारक द ग्रेट हा सर्वोच्च नागरी पुरस्कार प्रदान केला. यावेळी पंतप्रधान नरेंद्र मोद यांनी कुवैतचे अमीर शेख मेशल अल-अहमद अल-जाबेर अल सबा यांच्याशी विस्तृत चर्चा केली. यावेळी चर्चेत भारत-कुवैत संबंधांना नवीन गती देण्यावर भर देण्यात आला. विशेषत: व्यापार, गुंतवणूक आणि ऊर्जा क्षेत्रात परस्पर गुंतवणूक आणि व्यापारावर चर्चा केली.
