मुंबई : प्रतिनिधी
विधिमंडळात सादर झालेल्या राज्याच्या आर्थिक पाहणी अहवालानुसार दरडोई उत्पन्नात राज्यातील ३४ जिल्ह्यांपैकी मराठवाड्यातील सर्वाधिक जिल्हे खालच्या क्रमांकावर आहेत. महाराष्ट्राचे सरासरी दरडोई उत्पन्न २ लाख ७८ हजार ६८१ रुपये आहे तर देशाचे सरासरी दरडोई उत्पन्न हे १ लाख ८८ हजार ८९२ रुपये आहे. राज्यात एकूण ३६ जिल्हे असले तरी आर्थिक पाहणी अहवालात मुंबई शहर आणि उपनगर एकच जिल्हा गृहीत धरण्यात आला तर ठाणे आणि पालघर या दोन जिल्ह्यांचे एकत्र दरडोई उत्पन्न दाखविण्यात आले.
यात राज्यातील १२ जिल्हे हे देशाच्या सरासरी दरडोई उत्पन्नाच्या खाली आहेत. यात मराठवाड्यातील ८ जिल्ह्यांपैकी पाच जिल्ह्यांचा समावेश आहे. ३४ जिल्ह्यांमध्ये नांदेड-२५ क्रमांकावर, जालना-२६, बीड २७, परभणी २८ आणि हिंगोली ३० व्या क्रमांकावर आहे, तर देशाच्या सरासरी दरडोई उत्पन्नाच्या खाली असलेल्या जिल्ह्यांमध्ये विदर्भातील गोंदिया, यवतमाळ, गडचिरोली आणि वाशिम या जिल्ह्यांचा समावेश आहे, तर उत्तर महाराष्ट्रातील जळगाव आणि नंदुरबार या जिल्ह्यांचेही सरासरी दरडोई उत्पन्न देशाच्या सरासरीच्या खाली आहे. देशाच्या सरासरी दरडोई उत्पन्नाच्या खाली असलेल्या जिल्ह्यात पश्चिम महाराष्ट्र आणि कोकणातील एकाही जिल्ह्याचा समावेश नाही. महाराष्ट्राच्या सरासरी दरडोई उत्पन्नापेक्षा जास्त दरडोई उत्पन्न असलेल्या जिल्ह्यांमध्ये मुंबई, ठाणे (पालघरसह), पुणे, नागपूर, रायगड, कोल्हापूर आणि सिंधुदुर्ग या जिल्ह्यांचा समावेश आहे. मुंबई नंबर वनवर, तर नंदुरबार सर्वांत शेवटी आहे.
१) सर्वांत जास्त दरडोई उत्पन्न ४,५५,७६७ हे मुंबईचे आहे, तर त्याखालोखाल ठाणे (पालघर मिळून) ३,९०,७२६, तिस-या क्रमांकावर पुणे ३,७४,२५७ रुपये तर चौथ्या क्रमांकावर नागपूर जिल्हा ३,२२,९२७ रुपये आहे.
१) सर्वांत शेवटी उत्तर महाराष्ट्रातील नंदुरबार जिल्ह्याचा क्रमांक असून, तेथील दरडोई उत्पन्न दीड लाखाच्या घरात आहे. तर दरडोई उत्पन्नाच्या क्रमवारीत गडचिरोली हा आदिवासी जिल्हा बुलढाणा आणि वाशिमच्या वर आहे.
जिल्हे आणि दरडोई उत्पन्न
१) मुंबई - ४,५५,७६७
२) ठाणे - ३,९०,७२६
३) पुणे - ३,७४,२५७
४) नागपूर - ३,२२,९२७
५) रायगड - ३,१५,६८१
६) कोल्हापूर - २,८२,२९७
७) सिंधुदुर्ग - २,७९,०८०
८) सांगली - २,५८,५५७
९) सोलापूर - २,५३,०८८
१०) नाशिक - २,४९,०००
११) रत्नागिरी - २,४५,४२१
१२) सातारा - २,४१,३६९
१३) छत्रपती संभाजीनगर - २,३५,६७७
१४) अहिल्यानगर - २,३०,८१९
१५) वर्धा - २,२५,६९१
१६) चंद्रपूर - २,२१,८४६
१७) अकोला - १,९७,३३४
१८) भंडारा - १,९३,४१८
१९) लातूर - १,९३,१५२
२०) अमरावती - १,९१,४०१
२१) धाराशिव - १,९०,३८३
२२) धुळे - १,८९,३८४
कमी उत्पन्न असलेले जिल्हे
२३) गोंदिया - १,८३,४१४
२४) जळगाव - १,८२,६९६
२५) नांदेड - १,८१,०१३
२६) जालना - १,७८,३२९
२७) बीड - १,७७,२४०
२८) परभणी - १,७५,७५८
२९) यवतमाळ - १,६०,०८८
३०) हिंगोली - १,४७,३३३
३१) गडचिरोली - १,४०,८६०
३२) बुलढाणा - १,३७,२३५
३३) वाशिम - १,३४,७५४
३४) नंदुरबार - १,२९,१४६
